टिकटक बन्द नगरे इन्टरनेट सेवाप्रदायकलाई कारबाही गरिने
नेपाल दूरसञ्चार प्राधिकरणले सबै इन्टरनेट सेवाप्रदायक र मोबाइल सेवाप्रदायकलाई टिकटकको पहुँचमा तत्काल रोक लगाउन निर्देशन दिएको छ।
प्राधिकरणले आज विज्ञप्ति जारी गर्दै उक्त निर्देशनको पालना नगरे कारबाही हुने जनाएको छ। प्राधिकरणले आफ्नो आदेशको पालना गर्नु सेवाप्रदायकको कर्तव्य हुने र सेवाप्रदायकले त्यस्तो निर्देशनको पालना नगर्दा दूरसञ्चार ऐन, २०५३ बमोजिम प्राधिकरणबाट कारबाही हुने उल्लेख गरेको छ।
मन्त्रिपरिषद्को हिजोको बैठकले ‘सामाजिक सञ्जालका रूपमा प्रयोग भइरहेको टिकटकका माध्यमबाट सामाजिक सद्भाव बिग्रने वातावरण बनेको भन्दै नेपालमा टिकटकको प्रयोगमा तत्काल रोक लगाउने’ निर्णय गरेको थियो।
केही सेवाप्रदायकले सरकारी निर्णयको अवज्ञा गरेकाले तत्काल निर्देशन कार्यान्वयन गरी प्राधिकरणलाई जानकारी गराउन अनुरोध पनि गरिएको छ।
-1732535850.jpg)
