स्वयम्भू र साँखुबाट जुवा खेलिरहेका १७ जना पक्राउ
जिल्ला प्रहरी परिसर, काठमाडौं मातहतको स्वयम्भू र साँखुबाट खटिएको प्रहरी टोलीले जुवा खेलिरहेका व्यक्तिहरूलाई पक्राउ गरेको छ।
प्रहरी वृत्त स्वयम्भूले त्यस क्षेत्रको जुवा खालबाट आज रु.चार लाख तथा कौडा र तास सहित उनीहरूलाई पक्राउ गरेको हो।
यस्तै, जिल्ला प्रहरी परिसर, काठमाडौंका प्रवक्ता कुमोध ढुंगानाका अनुसार साँखु प्रहरी प्रभागबाट खटिएको टोलीले शंखरापुर नगरपालिका-१, नाङलेभारेको दुई ठाउँबाट १७ जनालाई नियन्त्रणमा लिई कारबाही अघि बढाएको छ। उनीहरूको साथबाट रु.एक लाख १७ हजार नगद बरामद भएको उनले बताए।
यसैबीच, तिहार लक्ष्यित सुरक्षा योजना अनुरूप मादक पदार्थ सेवनका कारण हुन सक्ने दुर्घटना न्यून गर्न पूर्वनिर्धारित कार्ययोजना अनुरूप जाँच भइरहेको उपत्यका ट्राफिक प्रहरी कार्यालयका प्रवक्ता राजेन्द्रप्रसाद भट्टले जानकारी दिए। -रासस
-1732535850.jpg)
