हजका लागि आवेदन दिने म्याद थपियो
नेपाल हज समितिले हजयात्राका लागि आवेदन दिने म्याद मङ्सिर १० सम्मका लागि थपेको छ।
कात्तिक २२ गतेामा सकिएको म्याद थप गरिएको हो। हजयात्रामा जानका लागि इच्छुक नेपाली इस्लाम धर्मावलम्बीलाई आवेदन दिने म्याद मङ्सिर १० सम्म पुर्याइएको नेपाल हज समितिका कार्यवाहक अध्यक्ष मकबुल मियाँले जानकारी दिए।
मियाँका अनुसार आवेदन दिन छुट भएका नेपाली मुस्लिम समुदायबाट यस वर्ष विगतका वर्षभन्दा छिटो हजको आवेदन खुलेकाले आवेदनको समय थप गर्न माग भएको हुँदा नेपाल हज समितिको निर्णयानुसार आवेदन दिने अवधि थप गरिएको हो।
याे पनि: हजयात्रीको रकममा पदाधिकारीको भागबन्डा
इच्छुक आवेदकले आवेदन फाराम हज समितिको सचिवालयको वेबसाइटबाट पनि लिन सकिने र थप जानकारी चाहिएमा सिंहदरबारस्थित सचिवालयमा सम्पर्क गर्न सकिने छ। यसपालि एक हजार दुई सय इस्लाम धर्मावलम्बीले हज गर्न सक्ने गरी साउदी अरब सरकारले नेपालीका लागि कोटा निर्धारण गरेको छ। हजका लागि गत साउनदेखि नै प्रक्रिया शुरु भएको थियो।
याे पनि: हजयात्रीका हैरानी
