एनसेलद्वारा तीन जनालाई स्कूटर प्रदान
एनसेल आजियाटा लिमिटेडले ‘हरेक दिन सरप्राइज सबैलाई स्योर–प्राइज’ योजना अन्तर्गत तीन जना ग्राहकलाई बम्पर पुरस्कारमा स्कूटर प्रदान गरेको छ।
बम्पर पुरस्कार जित्न सफल सात जना ग्राहकमध्ये मंगलबार तीन जनालाई विराटनगर, धनगढी र हेटौंडामा स्कूटर हस्तान्तरण गरिएको छ। विराटनगरस्थित एनसेल सेन्टरमा एक कार्यक्रममाझ अभिनेत्री प्रियंका कार्कीले सुनसरीका रोहन शर्मालाई बम्पर पुरस्कार हस्तान्तरण गरेकी छन्।
त्यस्तै, धनगढीस्थित एनसेल सेन्टरमा आयोजित कार्यक्रममा अभिनेत्री केकी अधिकारीले गोमाकुमारी खराललाई बम्पर पुरस्कार हस्तान्तरण गरेकी हुन्। एनसेल सेन्टर हेटौंडामा एनसेलका प्रोडक्ट्स डाइरेक्टर विशाल नेगीले चितवनकी रिना ढकाललाई बम्पर पुरस्कार हस्तान्तरण गरेका छन्।
यो योजना एनसेलले आफ्नो १८औं वार्षिकोत्सवका अवसरमा सञ्चालन गरेको थियो। भदौ ३१ गतेदेखि २८ दिनसम्म सञ्चालन भएको योजनामा प्रत्येक ग्राहकलाई दैनिक स्योर प्राइज प्रदान गरिएको थियो।
-1732261651.jpg)
-1732259528.jpg)
