जाजरकोटमा फेरि भूकम्पको धक्का
जाजरकोट केन्द्रबिन्दु भएर सोमबार अपराह्न परकम्प गएको छ।
राष्ट्रिय भूकम्प मापन तथा अनुसन्धान केन्द्रका अनुसार सोमबार अपराह्न ४ः३१ बजे जाजरकोट केन्द्रबिन्दु भएर ५.८ म्याग्निच्यूडको परकम्प गएको छ। कात्तिक १७ गते राति ६.४ म्याग्निच्यूडको भूकम्प गएयता जाजरकोट आसपास केन्द्रबिन्दु भएर परकम्प गइरहेका छन्।
त्यसयता आज गएको परकम्प सबैभन्दा ठूलो रहेको भूकम्प मापन तथा अनुसन्धान केन्द्रले जनाएको छ। अहिलेसम्म थुप्रै परकम्प गए पनि चार म्याग्निच्यूड आसपासकै थिए।
आज गएको परकम्पको धक्का जाजरकोटसँगै आसपासका जिल्लामा पनि महसूस गरिएको थियो। परकम्प गएपछि भूकम्प प्रभावित क्षेत्रका बासिन्दा झन् त्रसित छन्।
यसअघिको भूकम्पले जाजरकोट र रुकुम पश्चिममा १५३ जनाको ज्यान गएको थियो। भूकम्पमा २५६ जना घाइते भएका थिए।
-1732535850.jpg)