टस जितेर बलिङ गर्दै नेपाल
आईसीसी पुरुष टी-२० विश्वकप एशिया क्वालिफायर फाइनल २०२३ अन्तर्गत नेपालले आज समूह चरणको अन्तिम खेलमा ओमनको सामना गर्दै छ।
कीर्तिपुरस्थित त्रिवि क्रिकेट मैदानमा जारी खेलमा नेपालले टस जितेर बलिङ गर्दै छ।
यसअघि नै नेपाल र ओमन आफ्नो दुई खेल जितेर सेमिफाइनल प्रवेश गरिसकेका छन्। आज यी दुई टोली बीच समूह विजेता टुंग्याउने खेल हुनेछ।
नेपालले आफ्नो पहिलो खेलमा सिंगापुरलाई आठ विकेटले पराजित गरेको थियो भने दोस्रोमा मलेशियालाई ६ विकेटले पराजित गरेको थियो। यस्तै, ओमनले पहिलो खेलमा मलेशियालाई ३२ रनले हराएको थियो भने दोस्रोमा सिंगापुरलाई २२ रनले हराएको थियो।
-1732353496.jpg)
