उपप्रधानमन्त्री नारायणकाजी श्रेष्ठ अस्पताल भर्ना
चीन भ्रमणमा रहेका उपप्रधानमन्त्री एवं गृहमन्त्री नारायणकाजी श्रेष्ठ अस्पताल भर्ना भएका छन्।
छातीमा समस्या देखिएपछि उपप्रधानमन्त्री श्रेष्ठ बेइजिङस्थित पेकिङ युनियन मेडिकल कलेजमा भर्ना भएको उनका स्वकीय सचिव सुरेशकाजी श्रेष्ठले जानकारी दिए। श्रेष्ठलाई सामान्य खालको हृदयाघात भएको बताइएको छ।
मन्त्री श्रेष्ठको सचिवालयका अनुसार हाल उनी खतरामुक्त रहेको अस्पतालले जानकारी दिएको छ। श्रेष्ठलाई २४ घन्टे निगरानीका लागि सघन उपचार कक्षमा राखिएको छ।
उपप्रधानमन्त्री श्रेष्ठ चिनियाँ समकक्षीको निमन्त्रणमा चीन भ्रमणमा गएका थिए। -रासस
