गैंडा मृतावस्थामा फेला
चितवन राष्ट्रिय निकुञ्जमा एउटा गैंडा मृतावस्थामा भेटिएको छ।
निकुञ्जको खोरिया मुहान क्षेत्रमा अन्दाजी २५ वर्षको पोथी गैंडा मृत फेला परेको हो। निकुञ्जका सूचना अधिकारी गणेशप्रसाद तिवारीका अनुसार मृत भेटिएको गैंडाका खाग र खुर सुरक्षित छन्। उनले गैंडा जुधेर मरेको बताए।
चालू आर्थिक वर्षमा पाँच गैंडा मरिसकेका छन्। तीमध्ये एउटा चोरी शिकारीले मरेको आशङ्का गरिएको छ।
