दलदलमा आधा डुबेको अवस्थामा मृत हात्ती फेला
झापाको भद्रपुर नगरपालिका-२, रामपोखरी सामुदायिक वनस्थित कमलधाम सिमसार क्षेत्रमा आज बिहान एक वयस्क हात्ती मृतावस्थामा फेला परेको छ।
डिभिजन वन कार्यालय झापाका सूचना अधिकारी अञ्जना गिरीका अनुसार सिमसारको दलदलमा आधा डुबेको अवस्थामा मृत हात्ती फेला परेको हो। उनका अनुसार स्थानीयले हात्ती मृत फेला परेको खबर गरेपछि वनको टोली घटनास्थलमा पुगेको छ।
हाल कोशी टप्पु वन्यजन्तु आरक्षबाट हात्ती विज्ञ टोली आउँदै गरेको उनले बताइन्। सो टोली आएपछि मात्र हात्ती मरेको हो या मारिएको भन्ने पत्ता लाग्ने उनको भनाइ छ। -रासस
