विश्वकपमा आज दुई खेल
आईसीसी पुरुष एकदिवसीय विश्वकप प्रतियोगिता अन्तर्गत आज दुई खेल हुँदै छन्।
आजको पहिलो खेलमा इङ्ल्यान्ड र बाङ्लादेश भिड्दै छन्। १०:४५ बाट शुरू भएको खेलमा बाङ्लादेशले टस जितेर बलिङ रोजेको छ।
अहिले खेलको नवौं ओभर सकिएको छ। यति वेला इङ्ल्यान्डले ५९ रन बनाएको छ।
आफ्नो पहिलो खेलमा इङ्ल्यान्ड नौ विकेटले न्यूजिल्यान्डसँग पराजित भएको थियो। यस्तै, बाङ्लादेशले पहिलो खेलमा अफगानिस्तानलाई ६ विकेटले पराजित गरेको थियो।
यसैगरी आज दिउँसो २:१५ बाट पाकिस्तान र श्रीलंकाबीचको खेल हुनेछ। खेल राजीव गान्धी अन्तर्राष्ट्रिय क्रिकेट रङ्गशाला, हैदराबादमा हुनेछ।
पाकिस्तानले पहिलो खेलमा नेदरल्यान्ड्सलाई ८१ रनले पराजित गरेको थियो। श्रीलंका भने पहिलो खेलमा दक्षिण अफ्रिका विरुद्ध १०२ रनले पराजित भएको थियो।
-1732261651.jpg)
-1732259528.jpg)