दशैंका लागि असोज २२ बाट टिकटको अग्रिम बूकिङ
दशैंका लागि असोज २२ गतेबाट अग्रिम टिकट बूकिङ खुला गरिने भएको छ।
भौतिक पूर्वाधार तथा यातायात मन्त्रालयमा सर्वपक्षीय छलफल भएको थियो। छलफलमा सोमबारदेखि अग्रिम टिकट बूकिङ खुला गर्ने निर्णय गरिएको यातायात व्यवस्था विभागका महानिर्देशक उद्धवप्रसाद रिजालले बताए।
यातायात व्यवसायीले गाडी भाडा नबढाए बूकिङ नखोल्ने अडान राख्दै आएका थिए। मन्त्रालयमा भएको छलफलमा यातायात व्यवसायी पुरानै भाडामा अग्रिम टिकट खुला गर्न सहमत भएका हुन्।
पुरानै भाडा कायम गरेर दशैंका लागि अग्रिम टिकट बूकिङ खुला गर्ने निर्णय गरिएको महानिर्देशक रिजालले बताए। यस वर्ष असोज २८ गते घटस्थापना पर्छ।
