एमाले कोशीको अध्यक्षमा खतिवडा निर्वाचित
नेकपा (एमाले) कोशी प्रदेश कमिटीको अध्यक्षमा घनश्याम खतिवडा निर्वाचित भएका छन्।
एमाले कोशी प्रदेशको प्रथम अधिवेशनको आज बिहान सार्वजनिक गरिएको मतपरिणाम अनुसार खतिवडाले ५१२ मत पाए। उनका प्रतिस्पर्धी विनोद ढकालले ४३० मत प्राप्त गरे।
यस्तै, सचिवमा राजकुमार भण्डारी निर्वाचित भएका छन्। उपसचिवमा जलवर्षा राजवंशी र देवान राई निर्वाचित भएका छन्।
उपाध्यक्षमा यसअघि नै टीकाराम चेम्जोङ निर्विरोध निर्वाचित भएका थिए। अन्य सदस्यको मतगणना जारी रहेको निर्वाचन कमिटीले जनाएको छ।
-1732261651.jpg)
-1732259528.jpg)