नेपाल दलित संघको अध्यक्षमा लोकबहादुर विश्वकर्मा मनोनीत
नेपाली कांग्रेसको भ्रातृसंस्था नेपाल दलित संघको अध्यक्षमा लोकबहादुर विश्वकर्मा मनोनीत भएका छन्।
सभापति शेरबहादुर देउवाले विश्वकर्मालाई संघको अध्यक्ष मनोनीत गरेको कांग्रेस केन्द्रीय कार्यालयका मुख्यसचिव कृष्णप्रसाद पौडेलले बताए। कांग्रेस केन्द्रीय कार्यसमितिको निर्णय अनुसार विश्वकर्मालाई अध्यक्ष मनोनीत गरिएको उनले बताए।
दलित संघको समयावधि सकिएको थियो। कांग्रेस विधान अनुसार म्याद सकिएपछि स्वतः विघटन हुने व्यवस्था छ।
त्यसैले संघको केन्द्रीय समिति विघटन भइसकेकाले नयाँ अध्यक्ष मनोनीत गरिएको जनाइएको छ। विश्वकर्मा सुर्खेतका बासिन्दा हुन्।
