नेपाल सेमिफाइनलमा भारतसँग पराजित
यू-१९ साफ च्याम्पियनशिपको सेमिफाइनलमा नेपाल भारतसँग पराजित भएको छ।
काठमाडौंको त्रिपुरेश्वरस्थित दशरथ रङ्गशालामा बुधबार साँझ भएको खेलमा नेपाल भारतसँग ‘टाइब्रेकर’ मा पराजित भएको हो। नेपाललाई टाइब्रेकरमा ३-२ गोल अन्तरले हराउँदै भारत फाइनलमा पुगेको छ।
निर्धारित समयमा नेपाल र भारतले १-१ गोलको बराबरी खेलेका थिए। खेलको २६औं मिनेटमा भारतका लागि गोम्सर गोयारीले गोल गरेका थिए।
त्यसपछि दोस्रो हाफमा नेपालले गोल फर्काएको हो। नेपालका लागि ७४औं मिनेटमा समीर तामाङले गोल गरेका थिए।
जितसँगै भारत फाइनलमा प्रवेश गरेको छ। यसअघि भएको खेलमा भूटानलाई पराजित गर्दै पाकिस्तान फाइनलमा पुगेको थियो। पाकिस्तानले पनि भूटानलाई ‘टाइब्रेकर’ मै पराजित गरेको थियो।
अब उपाधिका लागि भारत र पाकिस्तान प्रतिस्पर्धा गर्नेछन्।
-1732261651.jpg)
-1732259528.jpg)
-1732180391.jpg)
