गमगढी बजारमा आगलागी, आठ घर जलेर नष्ट
मुगुको सदरमुकाम गमगढी बजारमा गएराति आगलागी भएको छ।
गमगढी बजारस्थित कालिका मालिका मन्दिरदेखि उत्तरतिर रहेको बजारमा आगलागी भएको हो। आगलागीबाट आठ घर जलेर नष्ट भएको जिल्ला प्रहरी कार्यालय, मुगुका प्रहरी नायब उपरीक्षक वीरेन्द्र थापाले बताए।
गएराति काठले बनेको एकघरबाट आगो सल्किएको थियो। आगलागीबाट तार्के लामा, सोनाम लामा, जङ ऐडी, सान्तोना खत्री, पञ्च सेजुवाल, पीआर मल्ल, प्रदीप रावल र पुतली शाहीको घर जलेर नष्ट भएका थापाले बताए।
गमगढी बजारमा वितरण गरेको खानेपानी पाइप लाइन काटेर सुरक्षाकर्मीले आगो निभाएका छन्। आगो निभाउन नेपाली सेना, नेपाल प्रहरी, सशस्त्र प्रहरी बल, नगर प्रहरी र स्थानीय बासिन्दा खटिएका थिए।
यसअघि २०७८ कात्तिक २९ गते गमगढी बजारको तल्लो क्षेत्रमा आगलागी हुँदा पनि १९ घर जलेर नष्ट भएका थिए।
-1732261651.jpg)
-1732259528.jpg)