नौबिसे-मलेखु सडक राति बन्द हुने
पृथ्वी राजमार्ग अन्तर्गत धादिङको नौबिसे-मलेखु सडकखण्ड असोज ४ गतेदेखि राति बन्द हुने भएको छ।
सिम्लेदेखि मलेखु सडकखण्ड चौडा बनाउन पहरा कटान गर्नुपर्ने भएका कारण राति सवारी आवागमन बन्द गर्न लागिएको जनाएको छ। असोज ४ गतेदेखि २० गतेसम्म राति ११ बजेदेखि बिहान ३ बजेसम्म चार घण्टा खयरघारी र पोखरेखोला नजिक सवारी आवागमन रोकेर काम गर्न लागिएको धादिङका प्रमुख जिल्ला अधिकारी बद्रीनाथ गैरेले बताए।
सोमबार बसेको सरोकारवालाको बैठकले रातिको समयमा एम्बुलेन्स र सुरक्षाकर्मीको सवारी बाहेक अन्य सवारीसाधन पूर्ण रूपमा बन्द गरिने निर्णय गरेको छ। सवारी बन्द गरेर काम गर्दा यात्रुलाई समस्या हुने भएकाले दिउँसो मात्र यात्रा गर्न अनुरोध गरिएको छ।
निर्माण कार्यस्थल नजिक हुने सक्ने सम्भावित सवारी चापलाई मध्यनजर गरी राजमार्गका उपयुक्त स्थानमा सवारीसाधन रोकी व्यवस्थापन गरिने प्रमुख जिल्ला अधिकारी गैरेले बताए।
आयोजनाका तर्फबाट सबै पक्षलाई सूचित गर्न सञ्चारमाध्यमबाट सूचना प्रवाह गर्न र छिमेकी जिल्लासँग पनि समन्वय गरी यात्रुले दुःख नपाउने गरी काम गर्न निर्देशन दिएको उनको भनाइ छ।
-1732261651.jpg)
-1732259528.jpg)
