भारतले जित्यो एशिया कप
श्रीलंकालाई १० विकेटले पराजित गर्दै भारतले एशिया कप जितेको छ।
आइतबार भएको फाइनल खेलमा भारतले सजिलैसँग श्रीलंकालाई पराजित गरेको हो। श्रीलंकाले दिएको ५१ रनको लक्ष्य पछ्याउने क्रममा भारतले ६.१ ओभरमा जितेको हो।
यसअघि टस जितेर ब्याटिङ गरेको श्रीलंकाले कुशल मेन्डिसले १७ र दुशान हेमन्थाले १३ रन बनाएका थिए। अन्य खेलाडीले दोहोरो अङ्क पनि जोड्न सकेनन्।
भारतका लागि मोहम्मद सिरजले घातक बलिङ गरे। उनले सात ओभरमा २१ रन खर्चेर ६ विकेट लिए। त्यस्तै, हार्दिक पाण्ड्याले तीन र जसप्रित बुमराहले एक विकेट लिएका थिए।
एशिया कपमा ६ देशले प्रतिस्पर्धा गरेका थिए। नेपाल र अफगानिस्तान समूह चरणबाटै बाहिरिएका थिए।
त्यस्तै, पाकिस्तान र बाङ्लादेश सुपर–४ बाट बाहिरिएका थिए। पास्तिानलाई पराजित गर्दै श्रीलंका फाइनलमा पुगेको थियो।
-1732180391.jpg)
-1732099242.jpg)