काठमाडौंको गैह्रीगाउँमा धारिलो हतियार प्रहार गरी चार जनाको हत्या
काठमाडौंको तीनकुनेस्थित गैह्रीगाउँमा चार जनाको शव फेला परेको छ।
काठमाडौं उपत्यका प्रहरी कार्यालयका प्रवक्ता दिनेशराज मैनालीले धारिलो हतियार प्रहार भएको अवस्थामा चार जनाको शव फेला परेको बताए। यो घटना गएराति १२ बजेतिर भएको अनुमान गरिएको मैनालीको भनाइ छ।
मृत्यु हुनेमा दुई महिला र दुई पुरुष छन्। अहिले घटनास्थलमा प्रहरी परिचालन गरिएको छ। घटनाको अनुसन्धानका लागि तालीमप्राप्त प्रहरी र कुकुरको समेत परिचालन गरिएको छ।
घटनास्थलमा उपत्यका प्रहरी कार्यालय र जिल्ला प्रहरी परिसर काठमाडौंको टोली खटिएको छ। विस्तृत विवरण आउन बाँकी रहेको मैनालीले बताए। -रासस
