साहित्यकार तथा पत्रकार पराजुलीको निधन
साहित्यकार तथा पत्रकार राजेन्द्र पराजुलीको निधन भएको छ।
निमोनियाबाट ग्रसित पराजुलीको आज बिहान उपचारका क्रममा ललितपुरको ग्वार्कोस्थित बीएन्डबी अस्पतालमा निधन भएको हो।
पराजुलीका शुक्रराज शास्त्रीको चश्मा, कोटेश्वरको केटो, अघोरी, सपनामा मार्क्स, भ्रष्ट संवेदना, जन्तरमन्तर, विकल्प यात्रा, अनायिका, जाडोमा भोक लगायत कृति प्रकाशित छन्।
पराजुलीले राजधानी, नेपाल समाचारपत्र, नागरिक, बाह्रखरी, अभियान, हिमालखबर लगायत सञ्चारसंस्थामा काम गरेका थिए।
उनको आजै दिउँसो पशुपति आर्यघाटमा अन्त्येष्टि गरिने भएको छ।
