सांसद अनिरुद्र सिंह पक्राउ
मधेश प्रदेश सभाका सदस्य अनिरुद्रकुमार सिंह पक्राउ परेका छन्।
जिल्ला प्रहरी कार्यालय, सप्तरीको टोलीले सांसद सिंहलाई पक्राउ गरेको हो। उनलाई सोमबार दिउँसो राजविराजबाट पक्राउ गरिएको सप्तरीका प्रहरी उपरीक्षक नरेन्द्र कार्कीले बताए।
उनलाई सोमबार नै जिल्ला अदालतमा उपस्थित गराइएको छ। उनी ज्यान मुद्दामा पक्राउ परेका हुन्।
नेकपा (माओवादी केन्द्र)का नेता गोविन्द चौधरीको हत्यामा संलग्न रहेको आरोपमा उनी विरुद्ध मुद्दा परेको थियो। २०६४ सालदेखि मुल्तबीमा रहेको मुद्दामा सिंहलाई पक्राउ गरिएको जनाएको छ।
उनी गत निर्वाचनमा सप्तरी ४ ‘ख’ बाट प्रदेश सभा सदस्य निर्वाचित भएका थिए।
-1732180391.jpg)
-1732099242.jpg)