भारत विरुद्ध आसिफ शेखको अर्धशतक
भारत विरुद्धको खेलमा नेपालका प्रारम्भिक ब्याटर आसिफ शेखले अर्धशतक प्रहार गरेका छन्।
श्रीलंकाको पालेकेले रङ्गशालामा चलिरहेको खेलमा शेखले अर्धशतक बनाएका हुन्। उनले ८८ बलमा सात चौकाको मद्दतमा अर्धशतक प्रहार गरेका छन्।
एशिया कप अन्तर्गत सोमबार भारत विरुद्ध नेपालले २८ ओभर खेल सकिंदा १२३ रन बनाएको छ। नेपालले चार विकेट गुमाएको छ।
प्रारम्भिक ब्याटर कुशल भुर्तेल ३८ रन बनाएर आउट भए। त्यस्तै, भीम सार्कीले सात, रोहित पौडेलले पाँच र कुशल मल्लले दुई रन बनाए।
अहिले प्राम्भिक ब्याटर आसिफ शेख र गुल्सन झा क्रिजमा छन्।
एशिया कप अन्तर्गत नेपालले पहिलो खेलमा पाकिस्तानसँग प्रतिस्पर्धा गरेको थियो। उक्त खेलमा पाकिस्तानसँग २३८ रनले पराजित भएको हो।
आज दोस्रो खेलमा भारतसँग प्रतिस्पर्धा गरिरहेको छ। यो खेल जित्ने टोली अर्को चरणमा प्रवेश गर्नेछ।
-1732180391.jpg)
-1732099242.jpg)