प्रशान्त स्मृति छात्रवृत्ति वितरण

शिक्षा

प्रशान्त स्मृति छात्रवृत्ति वितरण

हिमालखबर बुधबार, भदौ १३, २०८०

कलाकार प्रशान्त श्रेष्ठको स्मृतिमा स्थापित प्रशान्त प्रतिभा छात्रवृत्ति तीन विद्यार्थीलाई प्रदान गरिएको छ।

यस वर्षको छात्रवृत्ति ललितकला क्याम्पसका किरण श्रेष्ठ, सिर्जना आर्ट कलेजका विवेक लामा र काठमाडौं विश्वविद्यालयको सेन्टर फर फाइन आर्टका राहुल महर्जनलाई प्रदान गरिएको हो। हिमालयन आर्ट फेस्टिभलमा प्रशान्तका बुबा तथा आमाले छात्रवृत्ति हस्तान्तरण गरेका हुन्।

कलाकार प्रशान्तको २०५५ सालमा निधन भएको थियो। प्रशान्त स्मृति समाजले हरेक वर्ष छात्रवृत्ति प्रदान गर्दै आएको छ। “नवोदित कलाकारलाई प्रोत्साहन गर्न बर्सेनि छात्रवृत्ति दिंदै आएका छौं,” समाजका सदस्य भाइराजा महर्जनले भने।

आगामी वर्षदेखि छात्रवृत्ति रकम बढाउने उनले बताए। अहिले हरेक विद्यार्थीलाई १५ हजार रुपैयाँ प्रदान गरिंदै आएको छ।