मुग्लिन नजिक पहिरो जाँदा पृथ्वी राजमार्ग अवरुद्ध
मुग्लिन नजिक पहिरो जाँदा पृथ्वी राजमार्ग अवरुद्ध भएको छ।
चितवनको इच्छाकामना गाउँपालिका–४, नाग्दी खोला नजिकै पहिरो खसेपछि गएरातिदेखि सडक अवरुद्ध भएको हो। इलाका प्रहरी कार्यालय, मुग्लिनका प्रहरी निरीक्षक विशाल तामाङका अनुसार गएराति गएको पहिरोका कारण राजमार्ग दुईतर्फी नै अवरूद्ध बनेको छ।
अहिले पहिरो पन्छाउने काम भइरहेको उनले बताए। पहिरोका कारण काठमाडौं जाने सवारीसाधन मुग्लिन र काठमाडौंबाट मुग्लिनतर्फ आउने सवारीसाधन कुरिनटारमै रोकिएका छन्।
वर्षा याम शुरू भएसँगै मुग्लिन क्षेत्रमा पहिरो गइरहेको छ। सडक विस्तार भइरहेकाले पनि पहिरो गइरहेको जनाइएको छ।
