काठमाडौं आउँदै गरेको बस घ्यूखोलामा दुर्घटना
धनगढीबाट काठमाडौ आउँदै गरेको रात्रिबस नवलपुरको घ्यूखोलामा दुर्घटना हुँदा २९ यात्रु घाइते भएका छन्।
पूर्व–पश्चिम राजमार्ग अन्तर्गत नवलपरासीपूर्व नवलपुरको विनयी त्रिवेणीस्थित घ्यूखोलामा यात्रुबस दुर्घटना भएको छ। जिल्ला प्रहरी कार्यालय, नवलपुरका प्रहरी नायब उपरीक्षक वेदबहादुर पौडेलका अनुसार धनगढीबाट काठमाडौंका आइरहेको सुपप्र ०१–००१ ख २९८६ नम्बरको बस ‘ब्रेक फेल’ भएर सडक छेउमा पल्टिएको हो।
विनयी त्रिवेणी गाउँपालिका–२ दाउन्नेस्थित घ्यूखोलामा आज बिहान रात्रिबस दुर्घटना हुँदा २९ यात्रु घाइते भएको पौडेलले बताए। दुर्घटनामा घाइते भएकाहरूको मध्यबिन्दु जिल्ला अस्पताल र दुम्किबास स्वास्थ्यचौकीमा उपचार भइरहेको छ।
घाइते सबैको अवस्था खतरामुक्त रहेको उनको भनाइ छ। बसमा ३५ जना यात्रु सवार थिए।
-1732261651.jpg)
-1732259528.jpg)
