रोनाल्डोको गोलमा अल नासर विजयी, फाइनलमा अल हिलालसँग भिड्ने
७५औं मिनेटमा पेनाल्टी मार्फत गोल गर्दै क्रिस्टियानो रोनाल्डोले अल नासरलाई अरब क्लब च्याम्पियन्स कपको फाइनलमा पुर्याएका छन्।
अरब क्लब च्याम्पियन्स कप अन्तर्गत हिजो भएको सेमिफाइनल खेलमा अल नासर विजयी भएको छ। साउदी अरेबियन क्लब अल नासरले इराकी क्लब अल शोर्टालाई १-० गोल अन्तरले पराजित गर्दै फाइनलमा स्थान पक्का गरेको हो।
अल नासरको जितमा पोर्चुगिज स्टार क्रिस्टियानो रोनाल्डोले एक गोल गरे। उनको एक गोल नै निर्णायक रह्यो। ७५औं मिनेटमा पेनाल्टी मार्फत रोनाल्डोले गोल गरेका थिए। उनी खेलका ‘म्यान अफ द म्याच’ पनि भए।
अब अल नासरले उपाधिका लागि साउदी क्लब अल हिलालसँग प्रतिस्पर्धा गर्नेछ। सेमिफाइनलमा साउदी अरेबियन क्लब अल हिलालले साउदीकै क्लब अल शबाबलाई ३-१ गोल अन्तरले पराजित गरेको थियो।
फाइनल खेल नेपाली समय अनुसार आउँदो शनिबार राति ११:४५ बाट शुरू हुनेछ।
-1732261651.jpg)
-1732259528.jpg)
-1732180391.jpg)