इन्टर मियामी क्वार्टरफाइनलमा, मेस्सी फेरि ‘म्यान अफ द म्याच’
_1691386462.jpg)
खेलमा ४-३ गोल अन्तरले पछि परेको अवस्थामा मेस्सीले फ्री-किक मार्फत ८५औं मिनेटमा गोल गरेका थिए।
इन्टर मियामी लिग्स कपको क्वार्टरफाइनल प्रवेश गरेको छ। आज बिहान सम्पन्न खेलमा मियामीले टाइब्रेकरमा एफसी डेलसलाई ५-३ गोल अन्तरले हराएको थियो।
निर्धारित ९० मिनेटमा दुवै टोलीले ४-४ गोलको बराबरी खेलेपछि खेल टाइब्रेकरमा पुगेको थियो। खेलमा विश्वप्रसिद्ध फूटबलर तथा मियामीका कप्तान लियोनल मेस्सीले छैटौं र ८५औं मिनेटमा गोल गरे। खेलमा ४-३ गोल अन्तरले पछि परेको अवस्थामा ८५औं मिनेटमा मेस्सीले फ्री-किक मार्फत गोल गरेका थिए।
यो सहित मेस्सीले मियामीका लागि चार खेलमा सात गोल गरिसकेका छन्।
यस्तै मियामीका लागि बेन्जामिन क्रेमास्चीले ६५औं मिनेटमा एक गोल गरेका थिए। खेलको ८०औं मिनेटमा डेलसका मार्को फर्फानले आत्मघाती गोल गरेका थिए।
उता डेलसका लागि फाकुन्दो क्विगनोनले ३७औं मिनेटमा, बर्नार्ड कामुन्गोले ४५औं मिनेटमा र एलन भेलास्कोले ६३औं मिनेटमा गोल गरे। ६८औं मिनेटमा मियामीका रोबर्ट टेलरले आत्मघाती गोल गर्दा डेलसले अग्रता फराकिलो बनाएको थियो।
अन्तिम समयमा फ्री-किक गोल गर्दै मियामीलाई प्रतियोगिताबाट बाहिरिन जोगाउन मेस्सी खेलका ‘म्यान अफ द म्याच’ भए। उनी यसअघिका खेलमा पनि म्यान अफ द म्याच भएका थिए।
अब मियामीले क्वार्टरफाइनलमा चार्लट एफसी र हुस्टन डाइनामोबीचको विजेतासँग भिड्नेछ।
-1732261651.jpg)
-1732259528.jpg)
-1732180391.jpg)