गण्डकी प्रदेशको एक वा दुई स्थानमा भारी वर्षाको सम्भावना
गण्डकी प्रदेशको एक वा दुई स्थानमा भारी वर्षाको सम्भावना छ। महाशाखाका अनुसार २४ घण्टाको अवधिमा १०० एमएमभन्दा बढी र २०० एमएमभन्दा कम वर्षा भएमा भारी वर्षा भनिन्छ।
मौसम पूर्वानुमान महाशाखाका अनुसार आज नेपालमा मनसुनी वायुका साथै भारतको बिहार र उत्तर प्रदेशको पूर्वी क्षेत्र आसपास रहेको न्यून चापीय प्रणालीको प्रभाव रहेको छ। मनसुनको न्यून चापीय रेखा सरदर स्थानभन्दा उत्तरतिर अवस्थित छ।
हाल देशभर आंशिकदेखि सामान्य बदली रही बागमती र गण्डकी प्रदेशका धेरै स्थान तथा कोशी, कर्णाली र सुदूरपश्चिम प्रदेशका थोरै स्थानमा हल्कादेखि मध्यम वर्षा भइरहेको छ।
आज दिउँसो कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका केही र मधेश प्रदेशको थोरै स्थानमा हल्कादेखि मध्यम वर्षाको सम्भावना छ। कोशी, बागमती, गण्डकी, लुम्बिनी र सुदूरपश्चिम प्रदेशका एक-दुई स्थानमा मेघगर्जन र चट्याङ सहित भारी वर्षाको समेत सम्भावना छ।
आज राति कोशी, मधेश, बागमती र गण्डकी प्रदेशका केही र बाँकी प्रदेशका थोरै स्थानमा हल्कादेखि मध्यम वर्षाको सम्भावना छ। कोशी, मधेश, बागमती, गण्डकी र लुम्बिनी प्रदेशका एक-दुई स्थानमा मेघगर्जन र चट्याङ सहित भारी वर्षाको सम्भावना छ।
गण्डकी प्रदेशका एक वा दुई स्थानमा भारी वर्षाको सम्भावना छ। महाशाखाका अनुसार २४ घण्टाको अवधिमा १०० एमएमभन्दा बढी र २०० एमएमभन्दा कम वर्षा भएमा भारी वर्षा भनिन्छ।
