इन्टर मियामी विजयी, मेस्सीको दुई गोल
इन्टर मियामीका लागि मेस्सीले आफ्नो दोस्रो खेलमै तीन गोल गरिसकेका छन्।
केही बेरअघि सम्पन्न लिग्स कप अन्तर्गतको खेलमा इन्टर मियामी विजयी भएको छ। मियामीले एट्लान्टा यूनाइटेडलाई ४-० गोलअन्तरले हराएको हो।
मियामीको जितमा अर्जेन्टिनी स्टार खेलाडी लियोनल मेस्सीले दुई गोल गरे। उनको खेलको आठौं मिनेटमा पहिलो गोल गरेका थिए भने २२औं मिनेटमा दोस्रो गोल गरे। यस्तै, मेस्सीले एक असिस्ट पनि गरे। मेस्सी ७८ मिनेट मैदानमा रहे।
मेस्सी आजको खेलमा शुरूबाटै कप्तानको भूमिकामा देखिए। यसअघि पहिलो खेलमा ५४औं मिनेटमा मैदानमा प्रवेश गरेपछि उनले कप्तानको ‘आर्म ब्यान्ड’ लगाएका थिए।
मियामीका लागि अरू दुई गोल रोबर्ट टेलरले गरे। उनले ४४औं मिनेटमा पहिलो र ५३औं मिनेटमा दोस्रो गोल गरे। टेलरले पनि एक असिस्ट गरे।
१५ वटा समूह रहेको प्रतियोगितामा इन्टर मियामी समूह ‘जे’ मा छ। आजको जितसँगै मियामी समूहको शीर्ष स्थानमा उक्लिएको छ। अघिल्लो खेलमा मियामीले मेक्सिकन क्लब क्रूज एजुललाई २-१ गोलअन्तरले हराएको थियो।
मेस्सीले इन्टर मियामीका लागि खेलेका दुई खेलमध्ये दुईमै गोल गरेका छन्। इन्टर मियामीका लागि मेस्सीको गोल संख्या तीन पुगेको छ।
-1732261651.jpg)
-1732259528.jpg)
-1732180391.jpg)