पहिरोले घर पुरिंदा आमाछोराको मृत्यु, तीन जना घाइते
पहिरोले घर पुरिंदा आमाछोराको मृत्यु भएको हो।
पहिरोले घर पुरिंदा बैतडीमा आमाछोराको मृत्यु भएको छ। मृत्यु हुनेमा जिल्लाको पुर्चाैडी नगरपालिका-२ भैरु टोलका २४ वर्षीया अञ्जु जागरी र चार वर्षीय रिजन जागरी रहेका छन्।
जिल्ला प्रहरी कार्यालय, बैतडीका प्रमुख प्रहरी नायब उपरीक्षक प्रेमबहादुर शाहीका अनुसार आज बिहान ३ बजे घरमाथिबाट खसेको पहिरोले घर पुरिंदा भित्र सुतिरहेका उनीहरूको मृत्यु भएको हो।
पहिरोमा पुरिएर १८ वर्षीय गोब्बर जागरी, ४५ वर्षीया राइमती जागरी र ६० वर्षीया जस्मा बोहरा घाइते छन्। पहिरोले पशुचौपायामा पनि क्षति पुगेको छ।
