डेब्यू खेलमै मेस्सीको निर्णायक गोल
अर्जेन्टिनी स्टार खेलाडी लियोनल मेस्सीले इन्टर मियामी क्लबबाट आज पहिलो खेलमै निर्णायक गोल गर्दै जित दिलाएका छन्।
मेस्सी खेलको दोस्रो हाफमा मैदान प्रवेश गरेका थिए। ५४औं मिनेटमा मैदान प्रवेश गर्नासाथ उनलाई कप्तानको ‘आर्म ब्यान्ड’ दिइएको थियो।
यति वेलासम्म खेलमा इन्टर मियामीले मेक्सिकन क्लब क्रूज एजुल विरुद्ध १-० को अग्रता बनाएको थियो। मियामीका लागि रोबर्ट टेलरले खेलको ४४औं मिनेटमा गोल गरेका थिए।
तर, ६५औं मिनेटमा क्रूज एजुलका लागि युरिएल एन्टुनाले गोल गरे। त्यसपछि निर्धारित ९० मिनेटसम्म खेल १-१ को बराबरीमा रोकियो। त्यसपछि खेलमा दुई मिनेटको इन्जुरी समय थप गरियो।
तर, क्रूज एजुलका जिजस डोएनासले फल गर्दै पहेंलो कार्ड पाएपछि मियामीले फ्री-किकको अवसर पायो। फ्री-किक प्रहार गर्न मेस्सी अघि सरे। उनले २५ यार्ड परबाट प्रहार गरेको फ्री-किक गोलमा परिणत भयो। इन्टर मियामीले खेल २-१ गोल अन्तरले जित्यो।
-1732261651.jpg)
-1732259528.jpg)
-1732180391.jpg)