इमर्जिङ टीम्स एशिया कप: टस हारेर बलिङ गर्दै नेपाल
नेपाल र यूएई दुवै टीम एक खेल बाँकी छँदै प्रतियोगिताबाट बाहिरिइसकेका छन्।
श्रीलंकामा जारी एसीसी इमर्जिङ टीम्स एशिया कप अन्तर्गत आज नेपाल र यूएई ‘ए’ बीच खेल हुँदै छ। पी सारा ओभल मैदानमा हुने खेलमा यूएई ‘ए’ ले टस जितेर पहिले ब्याटिङ गर्ने निर्णय गरेको छ।
समूह ‘बी’ मा रहेका नेपाल र यूएई दुवै आज पहिलो जितको खोजीमा हुनेछन्। यसअघि नेपाल पहिलो खेलमा पाकिस्तान ‘ए’ सँग चार विकेटले पराजित भएको थियो भने दोस्रोमा भारत ‘ए’ सँग नौ विकेटले पराजित भएको थियो।
यस्तै, यूएई पनि पहिलो खेलमा भारतसँग आठ विकेट र पाकिस्तानसँग १८४ रनले हारेको थियो।
नेपाल र यूएई दुवै प्रतियोगिताबाट बाहिरिइसकेका छन्। समूह ‘बी’ बाट भारत र पाकिस्तानको ‘ए’ टीम सेमिफाइनलमा पुगिसकेका छन्।
-1732452683.jpg)
