बससँग ठोक्किँदा कोशी ब्यारेजबाट खस्यो ट्रक
पूर्व-पश्चिम राजमार्ग अन्तर्गत कोशी ब्यारेजमा बससँग ठोक्किएपछि ट्रक कोशीमा खसेको छ।
ब्यारेकको ढोका नं. १० बाट मे १ ख ३००७ नम्बरको ट्रक खसेको जिल्ला प्रहरी कार्यालय, सप्तरीका प्रहरी नायब उपरीक्षक नरेश सिंहले बताए।
उनका अनुसार पूर्वबाट पश्चिमतर्फ गइरहेको मे १ ख १८६५ नम्बरको बस र विपरीत दिशाबाट आइरहेको ट्रक आपसमा ठोक्किंदा ट्रक कोशी नदीमा खसेको हो।
नदीमा झरेको ट्रकमा सवार चालक र अन्य व्यक्तिलाई सकशुल उद्धार गरिएको छ। तीन जनालाई उद्धार गरिएको सिंहले बताए।
कोशीमा खसेको ट्रकको खोजी भइरहेको जिल्ला प्रहरी कार्यालयले जनाएका छ। घटनाको थप विवरण आउन बाँकी छ।
-1732855345.JPG)
