हेलिकोप्टर दुर्घटना अपडेट: पाँच शव भेटिए
“पाँच जनाको शव भेटिए पनि चिनिने अवस्थामा छैन,” अधिकारीले भनिन्।
मनाङ एअरको दुर्घटनाग्रस्त हेलिकोप्टरमा सवार ६ मध्ये पाँच जनाको शव फेला परेको छ। मनाङ एअरको नाइनएन एएमभी कलसाइनको हेलिकोप्टर आज सोलुखुम्बुको लिखुपिके गाउँपालिका-५, भकान्जेस्थित लामाजुराको चिहानडाँडामा दुर्घटनामा परेको थियो।
सोलुखुम्बुकी सहायक प्रमुख जिल्ला अधिकारी सीता अधिकारीले पाँच जनाको शव भेटिए पनि सनाखत भने हुन नसकेको बताइन्। “पाँच जनाको शव भेटिए पनि चिनिने अवस्थामा छैन,” अधिकारीले भनिन्।
हेलिकोप्टर बिहान १०:०५ मा सोलुखुम्बुको सुर्केबाट काठमाडौंका लागि उडेको थियो।
-1732855345.JPG)
