एसईईमा २२ हजार विद्यार्थीले ल्याए ३.६० देखि ४ जीपीए, कुन जीपीएमा कति?

माध्यमिक शिक्षा परीक्षा (एसईई) अर्थात् कक्षा १० को परीक्षामा २२ हजारभन्दा बढी विद्यार्थीले ३.६० देखि ४ जीपीए अङ्क ल्याएका छन्।

राष्ट्रिय परीक्षा बोर्डले बिहीबार परीक्षाफल सार्वजनिक गरेको छ। जसमा ३.६० देखि ४ जीपीए अङ्क ल्याउने विद्यार्थी २२ हजार ४७५ जना छन्। यो कुल विद्यार्थी संख्याको ४.६३ प्रतिशत हो।

त्यस्तै, ३.२० देखि ३.६० जीपीए अङ्क ल्याउने विद्यार्थी ५५ हजार ६९ छन्। यो ११.३६ प्रतिशत हो।

यस वर्ष २.८० देखि ३.२० जीपीए अङ्क ल्याउने विद्यार्थीको संख्या ७२ हजार ३६२ पुगेको छ। यो १४.९२ प्रतिशत हो।

यसैगरी, ८९ हजार ३३१ विद्यार्थीले २.४० देखि २.८० जीपीए अङ्क ल्याएका छन्। यो १८.४२ प्रतिशत हो।

सबैभन्दा बढी २ देखि २.४० जीपीए अङ्क ल्याउने विद्यार्थी छन्। उनीहरूको संख्या एक लाख दुई हजार २९३ छ। यो कुल विद्यार्थीको २१.०९ प्रतिशत हो।

त्यस्तै, ८८ हजार ४४७ विद्यार्थीले १.६० देखि २ जीपीए अङ्क ल्याएका छन्। यो कुल विद्यार्थीको १८.२४ प्रतिशत हो।

एसईईमा १.२० देखि १.६० जीपीए अङ्क ल्याउने विद्यार्थीको संख्या पनि ३८ हजार ७७० रहेको छ। यो ७.९९ प्रतिशत हो।

यस वर्ष दुई हजार २०० विद्यार्थीले ०.८० देखि १.२० जीपीए अङ्क ल्याएका छन्। यो कुल विद्यार्थी संख्याको ०.४५ प्रतिशत हो।