अर्घाखाँचीमा पहिरोमा परी तीन बालबालिकाको मृत्यु
घरमा ६ जना बस्दै आएकामा घरमाथिबाट खसेको पहिरोमा च्यापिएर तीन जनाको ज्यान गएको हो।
अर्घाखाँचीको पणेनामा आज बिहान साढे ६ बजे गएको पहिरोमा परी तीन बालबालिकाको मृत्यु भएको छ।पहिरोले पुरिएका चार बालबालिकामध्ये एक जनाको भने सकुशल उद्धार भएको थियो।
पाणिनी गाउँपालिकाका निर्वतमान अध्यक्ष तथा स्थानीय अच्युत गौतमका अनुसार पाणिनी- १, पणेनाको गोहनपानीमा घरमाथिबाट खसेको पहिरोमा च्यापिएर उनीहरूको मृत्यु भएको हो। मृत्यु हुनेमा ११ वर्षे अञ्जु रास्कोटी, १० वर्षे धनबहादुर रास्कोटी र १२ वर्षे खुमबहादुर रास्कोटी रहेको उनले जानकारी दिए।
सकुशल उद्धार गरिएका १४ वर्षे सचिन रास्कोटीलाई उपचारका लागि पठाइएको वडा नं १ का अध्यक्ष कमल पोख्रेलले जानकारी दिए। घरमा ६ जना बस्दै आएकामा दुई जना गोठको काम गरिरहेको अवस्थामा पहिरो खसेको थियो।
-1732855345.JPG)
