इस्ट जोन कपको उपाधि नेपाललाई
एसीसी यू-१६ इस्ट जोन कपको फाइनल खेलमा नेपालका नरेन भट्ट म्यान अफ द म्याच भए।
मलेशियालाई २२१ रनको फराकिलो अन्तरले हराउँदै एसीसी यू-१६ इस्ट जोन कपको उपाधि नेपालले जितेको छ। केही बेरअघि सम्पन्न खेलमा जवाफी ब्याटिङमा आएको मलेशियन टोलीलाई नेपालले १४ ओभर पाँच बलमा ३१ रनमै अलआउट गरेको हो।
यसअघि नेपालले टस जितेर ब्याटिङ रोजेको थियो। ३५ ओभरको खेलमा नेपालले आठ विकेट गुमाउँदै २५२ रन बनाएको थियो।
नेपालका लागि नरेन भट्टले ११२ रनको शतकीय पारी खेलेका थिए। यस्तै, निरजकुमार यादवले ४७ तथा सन्तोष यादवले २६ रन बनाएका थिए। सूर्यांशु कोइरालाले १८ तथा अशोक धामीले ११ रनको पारी खेले। अरू ब्याट्सम्यानले दोहोरो अङ्कमा रन बनाउन सकेनन्।
बलिङतर्फ नेपालका अभिशेष तिवारीले पाँच विकेट लिए। यस्तै, सन्तोष यादवले तीन विकेट हात पारे। सागर गैरे र अशोक धामीले समान एक-एक विकेट लिए।
नरेन भट्ट म्यान अफ द म्याच भए।
-1732261651.jpg)
-1732259528.jpg)
-1732180391.jpg)
