पहिरोले नारायणगढ-मुग्लिन सडकखण्ड अवरुद्ध
_1660366235.JPG)
पहिरोले नारायणगढ-मुग्लिन सडकखण्ड अवरुद्ध भएको छ।
बिहीबार दिउँसो सडकखण्ड अन्तर्गत इच्छाकामना गाउँपालिका-५ स्थित ३ नम्बर पुलमा पहिरो खसेर सडक अवरुद्ध भएको हो। पहिरो खसेपछि गन्तव्यमा हिंडेका सवारीसाधन रोकिएका छन्।
अहिले पहिरो पन्छाउने काम भइरहेको जिल्ला प्रहरी कार्यालय, चितवनले जनाएको छ। आज बिहान पनि सोही ठाउँमा पहिरो खस्दा सडकखण्ड एक घन्टा अवरुद्ध भएको थियो।
बर्खा लागेसँगै नारायणगढ-मुग्लिन सडकखण्डमा पटक पटक पहिरो जाने र बाटो अवरुद्ध हुने गरेको छ। यो सडकखण्ड भएर दैनिक हजारौं सवारीसाधन अवतजावत गर्छन्।
-1732855345.JPG)
