ट्रक र कार ठोक्किंदा बुबाछोरीको मृत्यु, पाँच जना घाइते
_1687865788.jpg)
विवाहमा सहभागी भई घर फर्किंदै गर्दा दुर्घटनामा परी बुबाछोरीको ज्यान गएको छ भने पाँच जना घाइते भएका छन्।
पूर्व-पश्चिम राजमार्ग अन्तर्गत झापाको शिवसताक्षी-९, भालुखोलामा आज सडक दुर्घटना हुँदा बुबाछोरीको मृत्यु भएको छ। जिल्ला प्रहरी कार्यालय झापाका अनुसार पश्चिमबाट पूर्वतर्फ गइरहेको प्र १–०२–००१क ३८७९ नम्बरको ट्रक र विपरीत दिशाबाट गइरहेको प्र १–०१–००च ७४८२ नम्बरको कार एकापसमा ठोक्किएका थिए।
मृत्यु हुनेमा कार चालक मोरङको उर्लाबारी– ६ का ४५ वर्षीय गुरुचन चौधरी र उनकी छोरी १८ वर्षीया कुमकुम छन्। दुर्घटनामा गम्भीर घाइते भएका उनीहरूलाई उपचारका लागि बिर्तामोडस्थित बीएन्डसी अस्पताल लगिएको थियो। उपचारकै क्रममा उनीहरूको मृत्यु भएको हो।
दुर्घटनामा अन्य पाँच जना घाइते भएका छन्। घाइते हुनेमा मृतककी श्रीमती ४० वर्षिया सुजिता, छोरा १० वर्षीय विवेक, ३६ वर्षीया रञ्जुदेवी चौधरी, रतुवामाई-१० का १९ वर्षीय रिकेश न्यौपाने र उर्लाबारी–७ की ४० वर्षीया मुना शाह छन्। उनीहरूको पनि सोही अस्पतालमा उपचार भइरहेको छ।
विवाहमा सहभागी भई घर फर्किंदै गर्दा उनीहरू दुर्घटनामा परेको प्रहरीले जनाएको छ।
-1732855345.JPG)
