पहिरोमा हराएका आफन्त नभेटिएपछि कुशको शव बनाएर दाहसंस्कार
पहिरोमा हराएका ताप्लेजुङको सिदिङ्वा गाउँपालिकास्थित मेहेलेका तीन जना एक सातासम्म पनि नभेटिएपछि आफन्तले कुशको शव बनाएर दाहसंस्कार गरेका छन्।
असार २ गते राति गएको पहिरोमा परी मेहेलेको भालुखोपकी ६३ वर्षीया भगीमाया बुढाक्षेत्री, ३० वर्षीया सन्ध्या र नौ वर्षीय प्रज्वल हराएका थिए। स्थानीय बासिन्दा र सुरक्षाकर्मीले खोजबिन गरेका थिए।
एक सातासम्म पनि नभेटिएपछि तीनै जनाको कुशको शव बनाएर दाहसंस्कार गरिएको आफन्तजनले बताए। तीनै जना एकै परिवारका हुन्।
त्यस्तै, संखुवासभाको हेवा, पिलुवा र सभा खोलामा आएको बाढीले हराएका २० जनाको खोजी जारी छ। सुरक्षाकर्मी र स्थानीय बासिन्दाले बाढीले बगाएको लेदोमा खोजबिन गरिरहेका छन्।
तालीमप्राप्त कुकुरको प्रयोग गरेर हराएका सर्वसाधारणको खोजी गरिंदै। तस्वीर: सुजन बज्राचार्य/रासस
उनीहरूको खोजीमा नेपाल प्रहरीको तालीमप्राप्त कुकुर पनि प्रयोग गरिएको छ। एक सातासम्म खोजबिनमा कुनै प्रगति नभएपछि तालीमप्राप्त कुुकुरको प्रयोग गरिएको जिल्ला प्रहरी कार्यालय, संखुवासभाले जनाएको छ।
असार २ गते पूर्वी पहाडका चार जिल्लामा आएको बाढी र पहिरोमा परी आठ जनाको मृत्यु भएको छ भने २३ जना हराइरहेका छन्।
-1732261651.jpg)
-1732259528.jpg)