विश्वकप छनोट: नेपाल आज वेस्ट इन्डिज विरुद्ध भिड्दै
आज नेपालले दुई पटक एकदिवसीय र दुई पटक टी-ट्वेन्टी विश्वकपको उपाधि जितेको वेस्ट इन्डिज विरुद्ध खेल्दै छ।
आईसीसी एकदिवसीय विश्वकप छनोट प्रतियोगिता अन्तर्गत आज नेपालले वेस्ट इन्डिजको सामना गर्ने भएको छ। खेल नेपाली समय अनुसार दिउँसो १२:४५ बाट शुरू हुनेछ।
दुई पटक एकदिवसीय र दुई पटक टी-ट्वेन्टी विश्वकपको उपाधि जितेको वेस्ट इन्डिज आईसीसीको एकदिवसीय वरीयतामा १०औं स्थानमा छ। नेपाल भने १४औं स्थानमा छ।
दुवै टोलीको पछिल्लो पाँच खेल हेर्ने हो भने वेस्ट इन्डिजले चार जित र एक हार बेहोरेको छ। यता, नेपालले पनि पाँचमध्ये चारमा जित र एकमा हार बेहोरेको छ।
यो प्रतियोगितामा नेपाल सहित १० टोली प्रतिस्पर्धामा छन्। जसमध्ये फाइनलमा पुग्ने दुई टोली आउँदो अक्टोबर-नोभेम्बरमा भारतमा हुने आईसीसी एकदिवसीय विश्वकपका लागि छनोट हुनेछन्।
नेपालले यो प्रतियोगितामा समूह चरण अन्तर्गत अन्तिम खेल नेदरल्यान्ड्स विरुद्ध खेल्नेछ।
-1732261651.jpg)
-1732259528.jpg)
-1732180391.jpg)
