एएफसी कप क्वालिफायर्स: भूटानको पारो क्लबसँग भिड्दै मच्छिन्द्र
एएफसी कप क्वालिफायर्सको प्रारम्भिक चरणमा मच्छिन्द्र फूटबल क्लब र पारो फूटबल क्लब भिड्ने भएका छन्।
यस संस्करणको शहीद स्मारक ‘ए’ डिभिजन लिगको उपविजेता टोली मच्छिन्द्र फूटबल क्लब र भूटानको पारो फूटबल क्लबबीच एक खेल हुने भएको छ। एएफसी कप क्वालिफायर्सको प्रारम्भिक चरण अन्तर्गत आउँदो ८ अगस्ट (साउन २३)मा मच्छिन्द्र र पारो भिड्ने भएका हुन्।
मच्छिन्द्रले उक्त प्रतियोगिताको अघिल्लो संस्करण पनि खेलेको थियो। अघिल्लो पटक दशरथ रङ्गशालामा भएको खेलमा मच्छिन्द्र श्रीलंकाको ब्ल्यू स्टार क्लबसँग २-० गोल अन्तरले पराजित भएको थियो।
त्रिभुवन आर्मी फूटबल क्लब र एपीएफ फूटबल क्लबसँगै मच्छिन्द्र क्लबले पनि ‘एएफसी क्लब लाइसेन्स’ प्राप्त गरेको छ। यो लाइसेन्स प्राप्त गरेका क्लबले एएफसी कप क्वालिफायर्स प्रतियोगितामा भाग लिन पाउँछन्।
मच्छिन्द्र र पारोबीचको खेल हुने स्थान भने अहिले नै टुङ्गो लागेको छैन।
-1732261651.jpg)
-1732259528.jpg)
