कोशी प्रदेशका एक-दुई स्थानमा भीषण वर्षाको सम्भावना
आज देशका विभिन्न भागमा हल्कादेखि मध्यम वर्षाको सम्भावना छ।
मौसम पूर्वानुमान महाशाखाले आज राति कोशी प्रदेशका एक-दुई स्थानमा भीषण वर्षाको सम्भावना रहेको जनाएको छ। आज राति नै कोशी, लुम्बिनी, सुदूरपश्चिम, बागमती र गण्डकी प्रदेशका पहाडी भूभागका थोरै स्थानमा तथा बाँकी भूभागका एक-दुई स्थानमा चट्याङ सहित हल्कादेखि मध्यम वर्षाको पनि सम्भावना छ।
हाल देशको पूर्वी तथा मध्य भूभागमा मनसुनी प्रणालीको प्रभाव छ भने बाँकी भूभागमा स्थानीय वायु र पश्चिमी वायुको आंशिक प्रभाव छ। यति वेला कोशी प्रदेशका थोरै स्थानमा चट्याङ सहित हल्का वर्षा भइरहेको छ।
आज दिउँसो कोशी प्रदेशका केही स्थानमा, बागमती, गण्डकी र कर्णाली प्रदेशका थोरै स्थानमा र देशको बाँकी भूभागका एक-दुई स्थानमा चट्याङ सहित हल्कादेखि मध्यम वर्षाको सम्भावना छ।
महाशाखाले वर्षाका कारण नदीको स्तर बढेर हुन सक्ने जोखिम वा क्षतिबाट बच्न आवश्यक सतर्कता अपनाउन पनि अनुरोध गरेको छ।
-1732855345.JPG)
