कुशल भुर्तेलको अर्धशतकमा नेपालको बलियो शुरूआत
आईसीसी विश्वकप छनोट प्रतियोगितामा कुशल भुर्तेलको अर्धशतकको मद्दतमा नेपालले बलियो शुरूआत गरेको छ।
जिम्बावे विरुद्धको खेलमा ब्याटिङको निम्तो पाएको नेपालले २० ओभरको खेल सकिंदा ८५ रन बनाएको छ। नेपालका लागि प्रारम्भिक ब्याटर कुशल भुर्तेल र आसिफ शेखले राम्रो शुरूआत गरेका छन्।
कुशलले ६३ बलमा अर्धशतक प्रहार गरेका छन्। एकदिवसीयमा यो उनको छैटौं अर्धशतक हो।
त्यस्तै, आसिफले ५८ बलमा ३० रन बनाएका छन्।
जिम्बावेको हरारे रङ्गशालामा प्रतियोगिताको पहिलो खेल नेपाल र जिम्बावेबीच चलिरहेको छ। जिम्बावेले टस जितेर फिल्डिङ रोजेको थियो।
१० टोली सहभागी प्रतियोगितामा नेपाल समूह ‘ए’ मा छ। नेपालको समूहमा जिम्बावे, वेस्ट इन्डिज, अमेरिका र नेदरल्यान्ड्स छन्।
-1732535850.jpg)
-1732452683.jpg)
