नेपाल मैत्रीपूर्ण खेलमा फिलिपिन्ससँग पराजित
नेपाल मैत्रीपूर्ण खेलमा फिलिपिन्ससँग १-० गोल अन्तरले पराजित भएको छ।
फिलिपिन्सको रिजल मेमोरियल स्टेडियममा भएको खेलको पहिलो हाफमा नेपालले बराबरी खेलेको थियो। दोस्रो हाफमा भने फिलिपिन्सले गोल गरेको हो।
भारतमा हुने १४औं संस्करणको साफ च्याम्पियनशिपको तयारी अन्तर्गत नेपालले फिलिपिन्ससँग खेलेको हो। नेपाल र फिलिपिन्सबीचको यो सातौं भेट हो।
यसअघि नेपालले फिलिपिन्ससँग ६ पटक खेलेको थियो। जसमा नेपालले एक जित र एक बराबरी खेल्दा चार हार बेहोरेको थियो।
भारतको बेंगलुरुमा आयोजना हुने साफ असार ६ देखि १८ गतेसम्म सञ्चालन हुनेछ।
यस संस्करणको च्याम्पियनशिपमा नेपाल सहित आयोजक भारत, बाङ्लादेश, कुवेत, लेबनान, भूटान, पाकिस्तान, माल्दिभ्सले सहभागिता जनाउनेछन्। यस पटक कुवेत र लेबनानले आमन्त्रित टोलीका रूपमा साफ खेल्नेछन्।
-1732261651.jpg)
-1732259528.jpg)
