मनसूनी प्रणाली र पश्चिमी वायुको प्रभावले विभिन्न प्रदेशमा वर्षा हुन सक्ने
आज राति कोशी, बागमती, गण्डकी सहित मधेश प्रदेशका केही स्थानमा वर्षाको सम्भावना छ।
मौसम पूर्वानुमान महाशाखाले आज देशका विभिन्न स्थानमा वर्षा हुन सक्ने जनाएको छ। हाल देशको पूर्वी तथा मध्य भूभागमा मनसूनी प्रणालीको प्रभाव रहेको छ भने बाँकी भूभागमा पश्चिमी वायुको आंशिक प्रभाव रहेको छ।
यति वेला कोशी, बागमती र गण्डकी प्रदेशका थोरै स्थानमा मेघगर्जन र चट्याङ सहित हल्का वर्षा भइरहेको छ।
आज दिउँसो कोशी, बागमती र गण्डकी प्रदेशका केही स्थान सहित बाँकी पहाडी भूभागका थोरै स्थानमा मेघगर्जन र चट्याङ सहित हल्कादेखि मध्यम वर्षाको सम्भावना छ।
आज राति कोशी, बागमती, गण्डकी सहित मधेश प्रदेशका केही स्थानमा वर्षाको सम्भावना छ। देशका बाँकी पहाडी भूभागका थोरै स्थानमा क्षणिक वा हल्का वर्षाको सम्भावना छ।
-1732855345.JPG)
