कांग्रेस सचेतकमा सुशीला थिङ चयन
नेपाली कांग्रेसले प्रतिनिधि सभाको सचेतकमा सुशीला थिङलाई चयन गरेको छ।
संसदीय दलका नेता शेरबहादुर देउवाले प्रतिनिधि सभा सदस्य थिङलाई सचेतक मनोनयन गरेको कांग्रेस संसदीय दलको नेताको निजी सचिवालयले जनाएको छ।
निजी सचिवालयका सचिव केशवराज जोशीले कांग्रेस संसदीय दलको विधान (संशोधन तथा परिमार्जन सहित, २०७४) को धारा १३ को उपधारा २ बमोजिम मनोनयन गरिएको जानकारी दिए।
प्रतिनिधि सभामा कांग्रेसको प्रमुख सचेतक रमेश लेखक छन्। कांग्रेस संसदीय दलको उपनेता चयन गर्न भने अझै बाँकी छ।
सचेतक चयन भएकी थिङ सिन्धुलीबाट समानुपातिक सांसद छन्। उनी गत महाधिवेशनबाट कांग्रेस केन्द्रीय सदस्य बनेकी थिइन्।
-1732855345.JPG)
