रकम नखुलाई अल इत्तिहादमा अनुबन्धित भए बेन्जिमा
बेन्जिमाले करिअरमा हासिल गरेका उपलब्धिका लागि आफूलाई भाग्यशाली ठान्दै अब नयाँ प्रोजेक्ट र चुनौतीको समय भएको बताएका छन्।
फ्रान्सेली फूटबलर करिम बेन्जिमा साउदी अरेबियन क्लब अल इत्तिहादमा अनुबन्धित भएका छन्। रियल मड्रिडबाट हालसालै बिदा भएका बेन्जिमाले अल इत्तिहादमा अब तीन वर्ष बिताउनेछन्।
बेन्जिमा कति रकममा अनुबन्धित भएका हुन् भन्ने खुलाइएको छैन। अल इत्तिहादका अनुसार मंगलबार स्पेनको राजधानी मड्रिडमा दुवै पक्षबीच सम्झौता भएको हो।
क्लबको विज्ञप्तिमा बेन्जिमाको भनाइ उद्धृत गर्दै भनिएको छ, “फरक देशमा नयाँ फूटबल लिगको अनुभव गर्न पाउँदा उत्साही छु।”
बेन्जिमाले करिअरमा हासिल गरेका उपलब्धिका लागि आफूलाई भाग्यशाली ठान्दै अब नयाँ प्रोजेक्ट र चुनौतीको समय भएको बताएका छन्।
३५ वर्षीय बेन्जिमाले एक पटक ‘बलोन डी ओर’ पनि जितेका छन्। बेन्जिमाका रियल मड्रिडका पूर्व टीममेट क्रिस्टियानो रोनाल्डो पनि हाल साउदी अरेबियन क्लबमै आबद्ध छन्। रोनाल्डो अल नासरबाट खेल्छन्। बेन्जिमा र रोनाल्डो अब साउदी प्रो लिगमा भिड्नेछन्।
-1732180391.jpg)
-1732099242.jpg)
