हङकङ र बेलायतमा पनि ‘नाङ्गो गाउँ’ को राइट्स बिक्री
_1685799671.jpg)
मध्यपूर्वी एशिया, अमेरिका, क्यानाडापछि फिल्म नाङ्गो गाउँको हङकङ र बेलायतको राइट्स पनि बिक्री भएको छ।
पछिल्लो समय सफल जोडी बनेका अभिनेता दयाहाङ राई र मिरुना मगर फिल्म नाङ्गो गाउँमा एकसाथ देखिंदै छन्। कबड्डी-४ र जारीपछि दर्शकमा दयाहाङ र मिरुनाको क्रेज बढेका कारण अरू फिल्मको तुलनामा नाङ्गो गाउँको राइट्स महँगोमा बिक्री भइरहेको छ।
यसअघि दुवै फिल्म हङकङ र बेलायतका दर्शकले रुचाएका थिए। फिल्म जारीका विशेष शोहरू अझै पनि हङकङ र बेलायतमा चलिरहेकै छन्।
हङकङ र बेलायतको राइट्स एसअफ स्पाडेस इन्टरटेनमेन्ट कम्पनीले किनेको हो। कम्पनीका तर्फबाट सन्तोष विक र फिल्म नाङ्गो गाउँका तर्फबाट निर्माता हिमाल शर्माले सम्झौतामा हस्ताक्षर गरेका छन।
दीपेन्द्र लामाको लेखन तथा निर्देशन रहेको फिल्ममा दयाहाङ राई, मिरुना मगर, कर्मा, साम्राज्ञीराज्यलक्ष्मी शाह, शिशिर वाङ्देल, बुद्धि तामाङ, रवीन्द्र झा लगायत कलाकारको अभिनय छ। यो फिल्म भदौ २९ गते विश्वव्यापी रूपमा प्रदर्शन हुने भएको छ।
यो फिल्ममा दर्शकले कारुणिकतासँग हास्य र प्रेमको आनन्द लिन पाउने निर्देशक लामाले बताए। हिमाल शर्माको प्रस्तुति तथा जय श्रेष्ठको निर्माण रहेको फिल्मको वितरक आरआर फिल्म्स रहेको छ। मनिष्मा फिल्म्स् प्रालिको ब्यानरमा निर्माण भएको फिल्ममा मान्छेको लाचारीपन, निर्लज्जता र ढोंगप्रति व्यंग्य गरिएको छ।
-1732175085.png)
-1732099242.jpg)
-1732097316.jpg)
