नेपाल मलेशियासँग चार विकेटले पराजित
द्विदेशीय टी-२० महिला क्रिकेट प्रतियोगिताको चौथो खेलमा नेपाल मलेशियासँग चार विकेटले पराजित भएको छ।
मलेशियामा जारी द्विदेशीय शृङ्खलाको शनिबारको खेलमा नेपालले दिएको ९७ रनको लक्ष्य मलेशियाले ६ विकेटको क्षतिमा पूरा गरेको हो। मलेशियाका लागि विनफ्रेड अन्ना दुरासिगमले ३८, महिरा इजाति इस्माइलले १६ र यास्मिन जुल्किफिलले १३ रन बनाइन्।
नेपालका लागि कविता कुँवर, रुबिना क्षेत्री, सीता राना मगर र कविता जोशीले एक-एक विकेट लिए।
यसअघि ब्याटिङ गरेको नेपालले सात विकेटको क्षतिमा ९६ रन बनाएको थियो। नेपालका लागि इन्दु बर्माले ३२, बिन्दु रावलले २४ र कविता कुँवरले १२ रन बनाएका थिए।
पाँच खेलको शृङ्खलामा दुवै टोलीले दुई-दुई खेल जितेका छन्। अब अन्तिम खेल जित्ने टोलीले शृङ्खला जित्नेछ।
यो शृङ्खला जित्ने लक्ष्य सहित दुवै टोलीले आइतबार अन्तिम खेलमा प्रतिस्पर्धा गर्नेछन्।
-1732261651.jpg)
-1732259528.jpg)
-1732180391.jpg)
