भारतीय प्रधानमन्त्री मोदीलाई नेपाल भ्रमणको निम्तो
प्रधानमन्त्री पुष्पकमल दाहालले भारतीय प्रधानमन्त्री नरेन्द्र मोदीलाई नेपाल भ्रमणको निम्तो दिएका छन्।
प्रधानमन्त्री दाहालले भारत भ्रमणका क्रममा भारतीय समकक्षी मोदीसँगको भेटवार्तामा नेपालको भ्रमणको निम्तो दिएका हुन्। दुई देशका प्रधानमन्त्रीको संयुक्त पत्रकार सम्मेलनमा बोल्दै प्रधानमन्त्री दाहालले मोदीलाई नेपाल भ्रमणको निम्तो दिएको बताए।
प्रधानमन्त्री दाहालले भने, “प्रधानमन्त्री मोदीलाई नेपाल भ्रमणको निम्तो दिएका छौं।”
आफूले दिएको नेपाल भ्रमणको निम्तोलाई भारतीय प्रधानमन्त्री मोदीले स्वीकार गरेको प्रधानमन्त्री दाहालको भनाइ थियो। “आशा छ, मोदीको नेपाल भ्रमण छिटै हुनेछ,” दाहालले भने।
चारदिने भारत भ्रमणका क्रममा प्रधानमन्त्री दाहालले बिहीबार भारतीय प्रधानमन्त्री मोदीसँग भेटवार्ता गरेका छन्। वार्ताका क्रममा दुई देशको सम्बन्ध थप सुधार गर्दै दुवै देशबीच देखिएका सीमा लगायत समस्या समाधान गर्ने विषयमा सहमति बनेको छ।
-1732952633.jpg)
-1732953721.jpg)
-1732855345.JPG)
